مفيش نجاح من غير مخاطرة.. ومفيش رزق من غير سعي.. ومفيش سعي مع ربنا بيروح على الفاضي.❤️
ربنا سبحانه وتعالى لما أمر السيدة مريم وهي في أضعف حالاتها، قال لها:
﴿وَهُزِّي إِلَيْكِ بِجِذْعِ النَّخْلَةِ﴾
كان قادر يرزقها من غير ما تتحرك، بس كان لازم يعلمنا درس مهم جدًا اسعى.. حتى لو كل الظروف بتقولك إنك مش قادر.
طول ما أنت خايف تاخد الخطوة، هتفضل مكانك.. تتفرج على ناس يمكن إمكانياتهم أقل منك، بس سبقوك وحققوا حاجات أنت نفسك فيها، لمجرد إنهم اتجرأوا وبدأوا.
الدنيا بحر.. ومفيش مركب وصلت لبر الأمان من غير ما تضربها الأمواج، ومفيش رزق واسع جه لحد وهو خايف حتى يبل رجله.
شَمّر.. خد الخطوة.. واتكل على ربنا
العمر واحد.. والرب واحد.. ومش هتخسر أكتر من اللي خسرته وأنت قاعد مكانك، حاطط إيدك على خدك ومستني الدنيا تتغير لوحدها.
خاطر.. اسعى.. جرّب.. ولو وقعت قوم تاني.
يمكن الخطوة اللي خايف منها النهارده تكون هي بداية كل الخير اللي مستنيه بقالك سنين.
ربنا يرزقنا جميعًا شجاعة البدايات، وبركة السعي، وحلاوة الوصول. 🤍
Source
